Ro he nmui’ me’u nbi hit nekak

“Ro he nmui’ me’u!” Reta’ Ahun-hunut 1:3

 

“Ro he nmui’ me’u!” Uisneno nakua ma na’ni’it Kabin ma Prenat on naan. Pah-pinan ia metan meis’okan oras naan. Uisneno he najarib saa’-saa’ mes ro he nmui’ me’u he oras saa’-saa’ ii njarin on naan ate, mamniit ein. Oe, meto’, hau ma roet, mui’ aem ma mui’ fui, manas, funan ma kfuu, baineis-nesi’ mansian. Karu ka tiit fa me’u he mamniit ein on mee? Karu nmui’ me’u, hit tmariin. Uisneno nmariin nahunun mansian oras me’u naan anjair, natai nok In Kabin ma Prenat. Mansian kit arkit imsa’ atmariin karu nmui’ me’u.

Karu hit tfee gambaran es tak, mansian ii in nekan nahuum on re’ pah-pinan re’ ka nmui’ fa me’u fa fe’ oras ahunut, naan in oten nak, hit nekak naan ii msa’ nameis’ook ma metan. Nitu ‘nakaf of antoko nbi hit nekak.  Reko te, tataam me’u neu hit nekak, maut he nameu nakninu’ hit nekak. Nok ranan naan hit tiit ma takeo saa’ re’ Uisneno nroim je he hit arkit atmoe’ tatuin Uisneno In Kabin ma Prenat.

Takninu’ hit nekak teik meu’sine’ na’ko Uisneno. Tatamb ok teu oras fe’u, on re’ neon fe’u neno ia, rarit tmurai saa’-saa’ ate ta’feu’ gwe tbi me’u na’ko Uisneno.

 

Terjemahan

“Jadilah Terang!” Tuhan Allah berfirman demikian. Pada waktu itu, dunia gelap gulita. Tuhan Allah hendak menciptakan segala sesuatunya tetapi harus ada terang agar semua yang tercipta, terlihat. Air (semua jenis), kering (tanah kering, pulau, benua), ternak dan binatang buas, matahari, bulan dan bintang, terlebih manusia. Jika tidak ada terang, bagaimana melihat semuanya itu? Jika ada terang, kita bersukacita. Tuhan Allah terlebih dahulu bersukacita ketika ada terang, tepat seperti yang Ia firmankan. Kita semua sebagai manusia ikut bergembira ketika ada terang.

Bila kita memberikan suatu gambaran (situasi), hati manusia seperti dunia yang luas dimana belum ada terang seperti pada zaman dahulu (zaman penciptaan). Hal itu artinya, hati kita masih diliputi kegelapan. Iblis sebagai pemimpin para iblis akan duduk dan bertakhta di hati kita. Baiklah kita membawa terang ke dalam hati (masing-masing). Cara itu akan menolong kita untuk memahami apa yang Tuhan Allah inginkan kepada kita untuk kita perbuat sesuai Firman-Nya.

Mari bersihkan hati dengan terang dari Tuhan Allah. Masuklah ke dalam waktu yang baru, seperti hari baru. Mulailah dengan hal baru di dalam terang dari Tuhan Allah.

 

Pnt. Heronimus Bani

 

Sumber: Snak (Surat na’ko abitan Koro’oto), Edisi Januari 2013