Oras Nuut ee Namsoup

ORAS NUUT EE NAMSOUP

Au upein hanaf fe’ena, tuaf es, ain ee nasaitn ee goenMansian pah-pinan ia, in a’monin nahuum on re’ tnao teki tsae teu ‘to’ef. Hit tnoba ta’ko ‘piin, t’aka’bija’e tar attea tunan. Oras hit ttea tunan, hit tfeen athaek, tpira’ hit a’niimk ein nua sin, rarit hit huum a’moe ma tkumain, tmain ma tkoa’ haan marine. Rasi naan reok-re’uf.

Mes, oras hit he ttebi tfain ta’ko ‘to’ef naan, hit ro he tnao tarek-reko’ tar attea baer bokat. Ttea baer bokat naan on naan ate, hit neek ii nmainua mes naheun nok rasi mfaun re’ anpao nain kit et hit humak ma hit matak.

Mansian pah-pinan ia, anmariin oras in ntea baer reko, meup reko re’ nfee ne rasi mnisat. Anbi oras on re’ naan, in npira’ in a’niimn ein, nmarin-riin kuun. Nait mepu te, in a’niman ma haen ein ma’kaaf’ ein. Mes, noki-noki te, in ro he nsaun na’ko rasin re’ naan. Oras in nsaun na’kon rasin naan onai te, in nekan on re’ nameis’ok. In ka nahiin naan fa he nmoe’ on re’ mee. Anbi oras re’ naan ate, in namnau oras in nbi ‘toe’f ee tunan. In nekan nanan, nromi nmaet he nsae nfain, mes in ka nabei’ fa goen.

Nahuum on re’ ai nuta’, ai je nout goe ma nputu-putu ntea panan bian ee goen. Ai re’ nout goe naan ro he naah nain nuta’ naan tar namsoup. Anbi oras namsoup on naan ate, in njari fraa’, rarit atu ai’ skuku’.

Mansian ii in a’moin ee on re’ naan, tua.

 

By: Admin/Roni Bani

Lagerfeuer